වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තිය සමිති සන්ධානයේ සභාපති විශේෂඥ වෛද්‍ය චමල් සංජීව මහතා අද උදෑසන අපරාධ පරීක්ෂණ දෙපාර්තමේන්තුවට කැඳවා තිබෙනවා.
ඒ හිටපු සෞඛ්‍ය ඇමති කෙහෙළිය රඹුක්වැල්ල මහතාගේ පාලන කාලයේදී බාල ඖෂධ හතළිහකට අධික ප්‍රමාණයක් රාජ්‍ය ඖෂධ සංස්ථාව හරහා නිසි ලියාපදිංචියෙන් තොරව ගෙන්වන ලදැයි වෛද්‍ය චමල් සංජීව මහතා සිදු කරන ලද පැමිණිල්ලක් මත විමර්ශනාරම්භ කිරීම සඳහායි.
රුපියල් බිලියන 40 කට අධික වටිනාමක යුත් මෙම ඖෂධ සම්බන්ධව පුළුල් විමර්ශනයක් කොට රජයට අයිති අලාභයක් හෝ යම් පාර්ශවයකට අයුතු ලාභයක් හෝ අත්වී ඇත්නම් වගකිව යුතු පාර්ශ්වවලට එරෙහිව නීතිය ක්‍රියාත්මක කරන ලෙසට වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තිය සමිති සන්ධානය විසින් මෙම පැමිණිල්ල ගොනුකොට තිබුණා.
මේ අනුව විශේෂ පරීක්ෂණ කණ්ඩායමක් පත්කොට මෙම පැමිණිල්ල විභාග කිරීමට අපරාධ පරීක්ෂණ දෙපාර්තමේන්තුව තීරණය කොට තිබෙනවා.
එහි විමර්ශන ආරම්භ කිරීම සඳහා පැමිණිල්ලේ පළමු සාක්ෂි සටහන් කර ගැනීම සඳහා එම වෘත්තීය සමිති සන්ධානයේ සභාපති විශේෂඥ වෛද්‍ය චමල් සංජීව මහතා මෙසේ අපරාධ පරීක්ෂණ දෙපාර්තමේන්තුවට කැඳවා ඇති බවයි සඳහන් වන්නේ.
මෙවැනි පුවත් එසැණින් දැනගන්න, අපගේ වට්ස් ඇප් සමූහය සමග එක්වන්න. සබැඳිය පහතින්.
https://chat.whatsapp.com/KKhm4cF9PLnBef39msv28s
