විචිත්‍ර ධර්ම කථික පූජ්‍ය බණ්ඩාරවෙල අමිතානන්ද හිමියන් අද දහවල් කොළඹ ජාතික රෝහලේ දී අපවත් වී තිබේ.
අපවත් වන විට උන්වහන්සේ 62 ක් හැවිරිදි වියේ පසුවිය.
දීර්ඝ කාලයක් අසනීප තත්ත්වයේ පසුවූ උන්වහන්සේ වසර එක හමාරකට ආසන්න කාලයක් කොළඹ ජාතික රෝහලේ ප්‍රතිකාර ලබා තිබේ.
මෙරට තරුණ ප්‍රජාව ආගම දහමට නැඹුරු කිරීම සඳහා මහත් පරිශ්‍රමයක් දැරූ පූජ්‍ය බණ්ඩාරවෙල අමිතානන්ද හිමි දෙල්ගොඩ යොවුන් සිතට දහම් සිසිල මධ්‍යස්ථානයේ නිර්මාතෘ හිමියන්ද වෙයි. පූජ්‍ය බණ්ඩාරවෙල අමිතානන්ද හිමියන්ගේ දේහය දොම්පෙ කල්‍යාණධර්මශ්‍රමයේ තැන්පත් කර තැබීමට නියමිතව තිබේ.
