ඊයේ (03) රාත්‍රියේ ඉන්දියාවේ සිටි සෙන්ටර් සාප්පු සංකීර්ණය තුළ පිහිටි ගුවහාටි හි පීවීආර් සිනමා ශාලාවේ ‘මහාවතර් නර්සිංහ’ චිත්‍රපටය ප්‍රදර්ශනය කරමින් සිටියදී සිවිලිමේ කොටසක් කඩා වැටී ඇති බව ඉන්දීය මාධ්‍ය වාර්තා කරනවා.
අනතුරෙන් ළමුන් ඇතුළු අවම වශයෙන් පුද්ගලයින් තිදෙනෙකු තුවාල ලැබූ බව සඳහන් වනවා.
දර්ශනය අතරතුර කඩා වැටීම සිදු වූ බවත්, චිත්‍රපටය නරඹන්නන් අතර ව්‍යාකූලත්වයක් සහ බියක් ඇති කළ බවත්, ඔවුන් කලබලයෙන් ශාලාවෙන් පිටතට දිව ගිය බවත් සිද්ධිය ඇසින් දුටුවන් ප්‍රකාශ කරනවා.
පසුව සිනමා ශාලාවේ කාර්ය මණ්ඩලය ප්‍රදර්ශනය නවතා ප්‍රේක්ෂකයින් ඉවත් කර තිබෙනවා.
තුවාල ලැබූවන්ට එම ස්ථානයේදීම ප්‍රථමාධාර ලබා දී ඇති බවයි වාර්තා වන්නේ.
කෙසේ වෙතත් තුවාල ලැබූවන්ගේ තත්ත්වය බරපතල නොවන බවත් වාර්තා වෙනවා.
සිනමා ශාලාව පරීක්ෂා කිරීම සඳහා එරට බලධාරීන් විසින් මේ වන විට සිනමා ශාලාව තාවකාලිකව වසා දමා තිබෙනවා.
එම සිනමා ශාලාවේ සාප්පු සංකීර්ණ කළමනාකාරිත්වය සහ PVR නිලධාරීන් තවමත් මේ අනතුර පිළිබඳ නිල ප්‍රකාශයක් නිකුත් කර නොමැති බවද විදෙස් මාධ්‍ය වැඩිදුරටත් වාර්තා කරනවා.
මෙවැනි පුවත් එසැණින් දැනගන්න, අපගේ වට්ස් ඇප් සමූහය සමග එක්වන්න. සබැඳිය පහතින්.
https://chat.whatsapp.com/KKhm4cF9PLnBef39msv28s
