මධ්‍යම ඉන්දුනීසියාවේ ෆ්ලෝරස් දූපතේ පිහිටි තිබෙන ලෙවෝටෝබි ගිනිකන්ද මේ වනවිට සක්‍රිය වී ඇති බව විදෙස් මාධ්‍ය වාර්තා කර සිටී.
ගිනිකන්දෙන් පිටවන අළු සහිත දුමාරය සැතපුම් 6කට (කිලෝමීටර් 11) වඩා ඉහළ අහසේ විසිරී ඇති බැවින් තැඹිලි පාට හතු හැඩැති වලාකුළක් කිලෝමීටර් 150කට වඩා දුරකටත් ඉතා පැහැදිව දර්ශනය වන බව සඳහන් වේ.
ලෙවෝටෝබි ගිනි කන්ද ලාකි-ලාකි හා පෙරෙම්පුවාන් ලෙස නිවුන් කඳු මුදුන් දෙකකින් සමන්වත වන අතර, එහි ලාකි-ලාකි කොටස මෙලෙස සක්‍රිව වී තිබේ.
මෙම ගිනිකඳු පිපිරීමක් සමග සංචාරක දූපතක් වන බාලි වෙත සහ ඉන් පිටවන ගුවන් ගමන් රැසක් අවලංගු කර ඇත. ඉන්දුනීසියානු බලධාරීන් මේ වනවිට ඉහළම අනතුරු ඇඟවීම් නිකුත්කර ඇති අතර, ඒ හේතුවෙන් එම ප්‍රදේශයෙන් ඈත්ව සිටින ලෙස සංචාරකයින්ගෙන් ඉල්ලා සිටී.
