වෙළෙඳපොළ තුළ ඇසුරුම් නොකළ පොල්තෙල් (ලූස් පොල්තෙල්) අලෙවිය තහනම් කරමින් කඩිනමින් ගැසට් නිවේදනයක් නිකුත් කරන බව පොල් සංවර්ධන අධිකාරියේ සභාපති ශාන්ත රණවක මහතා කියා සිටියා.
කලවම් පොල්තෙල් අලෙවි කිරීම වැළක්වීමේ අරමුණින් මෙම තීරණය ගෙන ඇති බව සභාපතිවරයා සඳහන් කරනවා.
කෙසේ වෙතත් වසරක පමණ කාලයක් තුළදී මෙම තීරණය ක්‍රියාත්මක කරන බවද මෙම තීරණයට අනුගත වීම සඳහා නිෂ්පාදකයන් වෙත මාස අටක පමණ සහන කාලයක් ලබාදෙන බවද ඔහු වැඩිදුරටත් කියා සිටියා.
පොල්තෙල් නමින් වෙළෙඳපොළට නිකුත් කරන තෙල්වල, නිෂ්පාදකයා මෙන්ම ඇතුළත් විය යුතු සියලු කරුණු ඇතුළත් කර ඇසුරුම් සහිතව වෙළෙඳපොළට නිකුත් කළයුතු බවයි ඔහු පැවසුවේ.
